काठमाडौं । असोज १८ गते
आज सशस्त्र प्रहरी बलका महानिरीक्षक शैलेन्द्र खनाल भारत भ्रमणका लागी दिल्ली प्रस्थान गर्दै हुनुहुन्छ ।
भारतीय सशस्त्र सीमा बलको निमन्त्रणामा उनि तीन दिने दिल्ली भ्रमणमा जान लागेका हुन ।सशस्त्र प्रहरी महानिरीक्षक खनालले सीमा नै हेर्ने डीआईजी चन्द्रप्रकाश गौतमलाई भ्रमण दलमा नराखेर मानवस्रोतका डीआईजी पौडेललाई भ्रमणदलमा राखेपछि सशस्त्रमा त्यसलाई आश्चर्यका साथ हेरिएको छ ।
भ्रमण दलमा सशस्त्रको अप्रेसन र सीमा हेर्ने एआइजी पुष्पराम केसी र मानवस्रोतमा भर्खरै सरुवा भएर आएका डीआईजी नारायणदत्त पौडेल पनि सहभागी हुंदैछन् । भ्रमण दलमा गृह र परराष्ट्र मन्त्रालयका अधिकारी पनि सहभागी छन् ।
