सिरहा । सशस्त्र प्रहरी बल नेपाल नं. ७ गण हेडक्वार्टर सिरहाले जिल्लाका विभिन्न सीमा क्षेत्रबाट अवैध रूपमा ओसारपसार भइरहेको रु. ७ लाख ५९ हजार ४६० बराबरको सामान बरामद गरेको छ।
मिति २०८३ असोज १८ गते सिरहा जिल्लाका विभिन्न सीमा इलाकाबाट नेपालबाट भारततर्फ अवैध रूपमा लैजाँदै गरेको तथा भारतबाट नेपालतर्फ अवैध रूपमा ल्याउँदै गरेको अवस्थामा सशस्त्र प्रहरीले विभिन्न सामान बरामद गरेको हो।
बरामद सामानमा लत्ताकपडा, मोटरसाइकल, किराना सामान, कस्मेटिक सामग्री, हार्डवेयरका सामान, मोबाइलका पार्टपुर्जा तथा रङलगायतका सामग्री रहेका छन्।
बरामद गरिएका सामानको जम्मा मूल्य रु. ७,५९,४६० रहेको सशस्त्र प्रहरी बल नेपाल नं. ७ गण हेडक्वार्टर सिरहाले जनाएको छ।
बरामद सामानलाई आवश्यक कानुनी प्रक्रिया पूरा गरी सिरहा भन्सार कार्यालयमा नियमानुसार दाखिला गरिएको जनाइएको छ।
