‘इनाम सापकोटालाई पक्राउ गर्न निर्देशन दिने मै हुँ, उल्टै मलाई नै जोडेर आरोप लगाइयो’ : आईजीपी कार्की

आलोक यादव

काठमाडौं । नेपाल प्रहरीका महानिरीक्षक (आईजीपी) दानबहादुर कार्कीले हालै चर्चामा रहेको इनाम सापकोटा प्रकरणमा आफ्नो संलग्नता र भूमिकाबारे स्पष्टीकरण दिएका छन्।

उनले इनाम सापकोटालाई पक्राउ गर्न प्रहरीलाई कडा निर्देशन दिने व्यक्ति आफू स्वयं भएको खुलाउँदै, उल्टै आफ्नो नाम सापकोटासँग जोडेर भ्रामक र निराधार आरोप लगाइएकोप्रति तीव्र असन्तुष्टि व्यक्त गरेका छन्।

​पछिल्लो समय सार्वजनिक भएका विभिन्न टीकाटिप्पणी र लाञ्छनाप्रति लक्षित गर्दै आईजीपी कार्कीले कानुनको दायरामा ल्याउन र अनुसन्धान अघि बढाउन प्रहरीलाई सुरुवातमै निर्देशन दिइएको स्पष्ट पारे।

उनले भने, ‘इनाम सापकोटालाई पक्राउ गर्ने निर्देशन दिने मै हुँ, तर विडम्बना— उल्टै मलाई नै उनको पक्षमा वा सम्बन्धित जोडेर जथाभावी आरोप लगाइयो।’

​प्रहरी संगठनलाई निष्पक्ष रूपमा कानुन कार्यान्वयन गराउन आफ्नो नेतृत्व सधैं प्रतिबद्ध रहेको उल्लेख गर्दै उनले बिनाआधार प्रहरी नेतृत्वमाथि लाग्ने यस्ता आरोपले अनुसन्धानलाई प्रभावित पार्ने र मनोबल घटाउने कार्य मात्रै हुने बताएका छन्। यस विषयमा थप सत्यतथ्य बाहिर ल्याउन प्रहरीले आफ्नो सम्पूर्ण संयन्त्रमार्फत कानुनसम्मत ढंगले अनुसन्धान अगाडि बढाइरहेको जनाइएको छ।

प्रतिक्रिया दिनुहोस

सम्बन्धित समाचार

ताजा समाचार

लोकप्रिय

नेपाल प्रहरी

नागरिकले प्रहरीसँग भरोसा गरुन्, प्रहरीले बर्दीमा गर्व गर्न सकोस् : नवनियुक्त आईजिपी केसी

नागरिकले प्रहरीसँग भरोसा गरुन्, प्रहरीले बर्दीमा गर्व गर्न सकोस् : नवनियुक्त आईजिपी केसी

काठमाडौँ । नवनियुक्त प्रहरी महानिरीक्षक मनोज केसीले नागरिकको सुरक्षा र सम्मानलाई आफूले सदैव सर्वोपरि राख्ने प्रतिबद्धता व्यक्त गरेका छन् । गृह मन्त्रालयमा बुधबार प्रहरी महानिरीक्षकको..