काठमाडौं । प्रधानसेनापति प्रभुराम शर्माले उपरथीबाट रथीमा पदोन्नति भएका बालकृष्ण कार्कीलाई दर्ज्यानी चिन्ह प्रदान गरेका छन् ।
मन्त्रिपरिषद्को यही भादौ २९ गतेको निर्णयबाट रथीमा पदोन्नति भएका कार्कीलाई प्रधानसेनापति शर्माले सैनिक मुख्यालय जङ्गी अड्डामा आज आयोजित विशेष कार्यक्रममा रथीको दर्ज्यानी चिन्ह प्रदान गरेका हुन् ।
कार्कीलाई आजै निमित्त बलाधिकृतको जिम्मेवारी समेत दिइएको छ ।
