काठमाडौं । अमेरिकी सेनाले नेपाली सेनालाई जल उत्पन्न प्रकोपका समयमा उद्दारका लागि उपयोगी हुने ४ वटा रेस्क्यु बोट (उद्दार डुंगा) सहयोग गरेको छ । अमेरिकी राजदूताबास अन्तर्गत अफिस अफ डिफेन्स कोपरेसन (ओडीसी)का तर्फबाट डुंगा उपलब्ध भएको सैनिक जनसम्पर्क तथा सूचना निर्देशनालयले जनाएको छ ।
आडीसीका प्रमुख मेजर माइकल पि ह्वाइटले आउट बोर्ड मोटरसहितको डुंगा छाउनीस्थित जंगी असवाव खानामा बिहीबार सेनाको विपद् व्यवस्थापन निर्देशनालयका निर्देशक सहायकरथी रामनाथ शर्मा (ढुंगाना)लाई हस्तान्तरण गरेका छन् । उद्दार डंगाहरु बाढी डुबानजस्ता जलउत्पन्न बिपद्का समयमा उद्दार तथा राहत कार्यमा बहुउपयोगी हुने विश्वास नेपाली सेनाले लिएको छ ।
