काठमाडौं । गृहमन्त्री रामबहादुर थापा ‘बादल’ एक्लिदै गएका छन् । उनका अर्का स्वीकय सचिवले उनलाई छाडेका छन् । सुरुदेखि नै उनको स्वीकय सचिवका रुपमा कार्यरत बिरु तामाङ दाहालतर्फ लागेका छन् ।
यसअघि उनका राजनीतिक सल्लाहकार सुवेदि नेपाल कम्युनिस्ट पार्टी , नेकपा (प्रचण्ड माधव नेपाल समुह ) मा लागिसकेका छन् । नेकपाको विवादमा गृहमन्त्री बादल प्रधानमन्त्री केपी ओली पक्षमा लागेका थिए ।
तर, उनका सबै सांसद भने प्रचण्ड पक्षमा लागेका छन् । ‘आफ्नै पिएले समेत छाड्ने अवस्था भनेपछि उनको के अवस्था रहेछ, सजिलै बुझ्न सकिन्छ,’ पूर्व माओवादीका एक नेताले भने ।
गृहमन्त्री बादल पदकै लोभमा उनले आफ्नो राजनीतिक करिअर धरापमा पारेको टिप्पणी उनी निकट नेताहरुको छ ।
