काठमाडौं । काठमाडौँका दुई स्थानमा लाखौँ बराबरको नगद र सामान चोरी भएको छ । काठमाडौं महानगरपालिका-१३ टंकेश्वर डेरा गरी बस्ने रौतहट राजदेवी नगरपालिका-३ घर भएका ४२ वर्षीय राम प्रसाद श्रीवास्तवको कोठाबाट करिब ३ लाख ३७ हजार रुपैयाँ बराबरको सुन तथा चाँदीका विभिन्न गहना शुक्रबार दिउँसो चोरी भएको छ ।
यसैगरी काठमाडौंकै टोखा नगरपालिका-३ रमाईलो डाँडा बस्ने कुमार शाहको घरबाट १ थान टेलिभिजन र सुनका विभिन्न गहनासमेत गरी करिब ४ लाख ८१ हजार रुपैयाँ बराबरको धनमाल शुक्रबार राति चोरी भएको छ ।
चोरी भएको भन्ने खबर प्राप्त हुनासाथ नजिकको प्रहरी कार्यालयबाट खटिएको प्रहरीले चोरीमा संलग्न हाल फरार व्यक्तिहरुको खोजी गर्नुका साथै यस सम्बन्धमा आवश्यक अनुसन्धान गरिरहेको छ ।
