काठमाडौं । गृह मन्त्रालय गृह प्रशासनभित्रकै आर्कषक र महत्वपूर्ण मानिएका तीन स्थानका सहसचिवहरुको जिम्मेबारी फेरबदल गरेको छ । नेकपा सरकारका पालामा युथ फोर्सको आग्रहमा महेश बस्नेतले लगेका काठमाडौंका प्रमुख जिल्ला अधिकारी कालिप्रसाद पराजुलीलाई मन्त्रालय तानेर उनको स्थानमा गृहको प्रशासन महाशाखा प्रमुख गोविन्द रिजाललाई लगिएको छ ।
यस्तै उनको स्थानमा सुनिल खनाललाई ल्याइएको छ ।काठमाडौंको प्रजिअ र गृहको प्रशासन महाशाखा महत्वपूर्ण र आर्कषण पोष्टिङ मानिन्छन् । काठमाडौंको प्रजिअको जिम्मेबारी पाएका रिजाल आधा दर्जनभन्दा बढी जिल्लाहरूको कमाण्ड गरेका अधिकारी हुन् । उनले कैलाली, दाङ, रौतहट, मकवानपुरलगायत जिल्लामा काम गरिसकेका छन् ।
कैलाली घटनामा दुई समुदायबीचको द्वेष न्यून बनाउन र मेलमिलाप गराउन महत्वपूर्ण भुमिका खेलेका रिजाल कैलालीमा सबैका प्रजिअ बन्ने उदाहरण समेत हुन् । उनी जटिल परिस्थितिको सामना गर्न सक्ने कुशल प्रशासकका रुपमा चिनिदै आएका छन् ।
