काठमाडौं। प्रतिनिधि सभा विघटन विरुद्धको रिट सुनुवाइका लागि बृहत् पूर्ण इजलास गठन गर्न सर्वोच्च अदालतले अस्वीकार गरेको छ ।
शुक्रबार सुनुवाइका लागि बसेको संवैधानिक इजलासले बृहत पूर्ण इजलास गठनको माग अस्वीकार गरेको हो । १३ रिट निवेदकमध्ये १२ ले बृहत् पूर्ण इजलासको माग गरेका थिए ।
तर संवैधानिक इजलासले उक्त माग अस्वीकार गर्दै सोही इजलासले हेर्ने निर्णय गरेको सर्वोच्च अदालतले जनाएको छ ।
१३ वटै रिटमा माघ ४ गते आइतबारदेखि निरन्तर सुनुवाइ हुने भएको छ । प्रधानन्यायाधीश चोलेन्द्र शम्शेर जबराको नेतृत्वमा गठित संवैधानिक इजलासमा न्यायाधीशहरू विश्वम्भरप्रसाद श्रेष्ठ, अनिलकुमार सिन्हा, सपना प्रधान मल्ल र तेजबहादुर केसी छन् ।
