काठमाडौं । नेपाली कांग्रेसको १४औं महाधिवशेन अन्तरगत केही हिमाली जिल्ला र स्थानीय तहहरूमा नेतृत्व चयन भइरहेको छ ।पछिल्लो नतिजा अनुसार काठमाडौंको कागेश्वरी-मनहरा नगर समिति सभापतिमा उद्धव दाहाल विजयी भएका छन् ।शनिबार भएको नगर अधिवेशनबाट दाहाल सभापतिमा निर्वाचित भएका हुन् ।
संस्थापन समूह निकट दाहालले १५१ मत पाए भने अर्का प्रत्यासी मिठ्ठाराम दाहालले १३८ मत पाए । सभापतिमा पराजित दाहाल कांग्रेस नेता प्रकाशमान सिंह निकट हुन् ।यस्तै तारकेश्वर नगर समिति सभापतिमा कृष्णहरी महर्जन विजयी भएका छन् । उनी कांग्रेस नेता भीमसेन दास प्रधान निकट हुन् । शनिबार भएको नगर अधिवेशनमा सभापतिमा तीन जनाको उम्मेदवारी परेको थियो ।
महर्जनले १३५ मतसहित सभापति पदमा विजयी भए भने उनका प्रतिस्पर्धी श्रीराम थापाले ११४ मत पाए । थापा कांग्रेस पूर्वमहामन्त्री प्रकाशमान सिंह निकट हुन् । सभापतिका अर्का प्रत्यासी मुकुन्द तिमिल्सिनाले जम्मा २ मत पाए । उपसभापतिमा जमुना तिमिल्सिना र नवराज अर्याल विजयी भएका छन् । तिमिल्सिनाले १२३ मत र अर्यालले १२५ मत पाए ।त्यस्तै सचिवमा राजु फुँयाल र शंकर तिमिल्सिना विजयी भएका छन् ।
अप्सरा खड्का र सरस्वती पौडेल विजयी भएको निर्वाचन समितिले जनाएको छ ।काठमाडौं जिल्लाका एक महानगरपालिका र ९ नगरपालिकामा शनिबार अधिवेशन भएको हो । अधिकांश पालिकामा निर्वाचनबाटै नेतृत्व चयन भएका छन् ।
दक्षिणकाली नगरपालिकाको एउटा वडामा अधिवेशन नभएका कारण शनिबार पालिका अधिवेशन हुन नसकेको हो ।
