सिरहा । नेपाल कम्युनिस्ट पार्टी ( नेकपा प्रचण्ड-नेपाल समुह ) का नेता तथा प्रदेश सांसद प्रमोद यादवले कानुन मन्त्री लीलानाथ श्रेष्ठ झुठको खेती गरिरहेको आरोप लगाएका छन् ।
कम्यूनिस्ट नेता स्वर्गिय हेमनारायण यादवको १७ औं स्मृति दिवसको अवसरमा सिरहामा श्रद्धाञ्जली अर्पण गर्दै सांसद यादवले मन्त्री श्रेष्ठमाथि आक्रोस पोखे । उनले मन्त्री श्रेष्ठ आफ्नो घर चोहर्वामा बस्न नसक्ने चेतावनी समेत दिए ।
‘आफू सिसाको घरमा बसेर मन्त्री श्रेष्ठ अरुको घरमा ढुंगा फाल्दैछन्,’ सांसद यादवले भने, ‘हेर्दै गर्नुस् उनको आफ्नै घर भत्किन्छ ।’ उनले संसद विघटन संवैधानिक रहेको भन्दै सुर्य चिन्ह र नेकपा पार्टी आफुहरूकै रहने जिकिर गरे ।
सांसद यादवले भने- यहां पार्टी कार्यालयको शिलान्यास भयो । तर एउटा ईटा जोड्न सकेन । ४० लाख त ५० लाखको योजना भन्दै शिलान्यास गर्दै हिडे पनि अहिलेसम्म कुन कुन काम भयो ? कतै भएन ।’
स्वर्गिय यादवको हत्यारालाई कारबाही हालसम्म नभएकोमा सांसद यादवले दु:ख व्यक्त गरे । सिरहामा नेकपा ओली समुहले पनि स्वर्गिय यादवको स्मृति दिवस आयोजना गरेको छ । सम्बोधन गर्न प्रधानमन्त्री ओली सिरहा आउन लागेका हुन् ।
