काठमाडौं । काठमाडौं महानगरपालिका–१० स्थित मध्य बानेश्वरबाट प्रहरीले जुवा खेलिरहेका ६ जनालाई पक्राउ गरेको छ । महानगरीय प्रहरी वृत्त बानेश्वरका डिएसपी मिमबहादुर लामा नेतृत्वको टोलीले रामकृष्ण केसीको घरमा रहेको जुवा खालमा छापा मारेर उनीहरुलाई पक्राउ गरेको हो ।
जुवा खेल्नेहरूको साथबाट ४ लाख ४८ हजार ५ सय नगद बरामद गरिएको महानगरीय प्रहरी परिसर काठमाडौंका प्रवक्ता (एसपी) रमेश बस्नेतले बताए ।
रामकृष्ण केसीको साढे दुई तले घरको ग्राउन्ड फ्लोरमा उनीहरुले हारजित हुनेगरी जुवा खेलेका थिए । आरोपीहरुबारे महानगरीय प्रहरी वृत बानेश्वरले अनुसन्धान गरिरहेको छ ।
