धनगढी । भारतबाट भन्सार भएर सेटिङ्गमा भित्र्राईएको ४ हजार ९ सय केजि चिनी सहित मिनी ट्रक नियन्त्रणमा लिएको छ । भारतबाट सीमा क्षेत्रमा रहेका सशस्त्र, प्रहरी र भन्सारसंग सेटिङ्ग गरि भन्सार नकाटेरै भित्र्राएको ठूलो परिमाणको चिनी बरामद गरेको हो । जिल्ला प्रहरी कार्यालय कञ्चनपुरले भारतबाट आएको अवैध चिनी महेन्द्रनगरबाट बरामद गरेर भन्सार बुझाएको छ ।
वेदकोट नगरपालिका–१० स्थित दैजी बेल्डाडी सडकखण्डमा दैजीतर्फ आउँदै गरेको सुदूरपश्चिम प्रदेश–०१–००१ क १९०१ नम्बरको मिनी ट्रकलाई अवैध चिनीसहित नियन्त्रणमा लिइएको जिल्ला प्रहरी कार्यालयका प्रमुख प्रहरी उपरीक्षक ( एसपी ) उमाप्रसाद चतुर्बेदीले जानकारी दिए ।
मिनी ट्रकमा ३ लाख १८ हजार रुपैयाँ बराबरको ९८ बोरामा ४ हजार ९ सय केजि चिनी फेला पारेर बरामद गरिएको उनले बताए । मिनी ट्रक चालक भरत बिष्टलाई पनि पक्राउ गरेर आवश्यक कारबाहीका लागि गड्डाचौकी भन्सार कार्यालय बुझाइएको प्रहरी उपरीक्षक चतुर्बेदीले बताए ।
