काठमाडौं । नेपाल कम्युनिस्ट पार्टी ( एमाले ) आन्तरिक विवाद समाधानको लागि गठित कार्यदलका सदस्यहरु पार्टीका वरिष्ठ नेता माधवकुमार नेपालको निवास कोटेश्वर पुगेका छन्।
कार्यदलका सदस्यहरु १० बुँदे सहमति नेपाललाई बुझाउनको लागि कोटेश्वर पुगेका हुन्। कार्यदलले आइतबार राति १० बुँदे सहमति गरेको थियो। नेपालसहितको उपस्थितिको स्थायी कमिटी बैठकबाट सो सहमति अनुमोदन गर्ने तयारी भइरहेका बेला सदस्यहरु नेपाललाई भेट्न गएका हुन्। तर, नेपाल भने कार्यदलका सदस्यहरुले तयार पारेको सहमतिप्रति असन्तुष्ट छैनन्।
यसअघि कार्यदलका माधव नेपाल पक्षधर संयोजक भीम रावलले सोमवार साँझ बालुवाटार पुगेर ओलीलाई सहमतिको मस्यौदा बुझाएका थिए। नेता नेपाललाई पनि सहमति बुझाउनको लागि नेताहरु कोटेश्वर पुगेका हुन्।
एमालेले आजै अपरान्ह १ बजे स्थायी कमिटी बैठक बोलाएको छ। सो बैठकमा माधव पक्षका नेताहरुको सहभागि हुनेरनहुनेबारे केही बताइएको छैन्।
