काठमाडौं । प्रधानमन्त्री केपी शर्मा ओलीले राष्ट्रपति विद्यादेवी भण्डारीलाई सोमबारको मन्त्रिपरिषदको निर्णयबारे जानकारी दिनुभएको छ ।
मंगलबार निर्वाचन आयोगमा छलफल गरे लगत्तै प्रधानन्त्री ओली शीतलनिवास पुग्नु भएको थियो ।प्रधानमन्त्री ओली र राष्ट्रपति विद्यादेवी भण्डारीबीच सोमबारको मन्त्रिपरिषदको बैठकले गरेको निर्णयबारे कुराकानी भएको स्रोतले बताएको छ ।
उता निर्वाचन आयोगलाई पनि प्रधानमन्त्री ओलीले निर्वाचनको तयारी तीव्र बनाउन निर्देशन दिँदै पछिल्लो अवस्था बारेमा जानकारी लिनुभएको थियो । सोमबार बसेको मन्त्रिपरिषद बैठकले वैशाख १७ गते ४० र २७ गते ३७ जिल्लामा निर्वाचन गर्ने निर्णय गरेको थियो ।
