कपिलवस्तु । कपिलवस्तुको कृष्णनगर नगरपालिका–२ बाट प्रहरीले स्रोत नखुलेको रकमसहित एक जनालाई पक्राउ गरेको छ । पक्राउ पर्नेमा बुद्धभूमि नगरपालिका–९ धमौली घर भएका २२ वर्षीय जीवनप्रसाद भुसाल छन् ।
पक्राउ गरिएका भुसालको साथबाट २२ लाख ९१ हजार ८ सय बरामद गरिएको जिल्ला प्रहरी कार्यालय कपिलवस्तुका प्रवक्ता (डिएसपी) धर्मराज भण्डारीले बताए । सो रकम अवैध हुण्डीको भएको प्रहरीको प्रारम्भिक अनुसन्धानबाट थाहा भएको छ ।
भुसाललाई रकमसहित आवश्यक कारवाहीका लागि राजस्व अनुसन्धान कार्यालय बुटवलमा बुझाइने डिएसपी भण्डारीले बताए ।
