काठमाडौं। अर्थमन्त्री विष्णु पौडेलले शनिवार बजेट सार्वजनिक गर्दै कोभिड महामारीले शिथिल भएको अर्थतन्त्रलाई गति दिन राहत कार्यक्रम सञ्चालन गरिने घोषणा गरेका छन्।
२० हजार लिटरसम्मको खानेपनी निःशुल्क गरेका छन् भने भने साल्ट ट्रेडिङले बिक्री गर्ने सामानमा २० प्रतिशत छुट दिने भएका छन्।पर्यटन व्यवसाय, सञ्चारगृह, हेल्थ क्लब, इजाजत र नवीकरण छुट दिइएको छ भने होटलले आइसोलेसन बनाएमा होटललाई पैसा उपलब्ध गराइने छ।
होटललाई उत्पादनमूलक क्षेत्रमा वर्गीकरण गरिएको छ।खाद्यान्न तरकारी ढुवानीमा २५ प्रतिशत अनुदान दिइने छ भने व्यवसाय निरन्तरता कोषलाई निरन्तरता दिइएको छ। सरकारी गोदाम र घर भाडामा लिएकालाई दुई महिनाको भाडामा ५० प्रतिशत छुट उपलब्ध हुनेछ । सहुलियत कर्जा ऋणको लागि १३ अर्ब छुट्याइएको छ।
