काठमाडौं । नवनियुक्त अर्थमन्त्री विष्णु प्रसाद पौडेलले अक्सिजन प्लान्ट तथा पाइपलाइन जडान गर्न विभिन्न ३ अस्पताललाई ५ करोड ८३ लाख बजेट उपलब्ध गराउने घोषणा गरेका छन् ।
शुक्रवार अर्थमन्त्रीका रुपमा शपथ ग्रहणपछि पदभार सम्हाल्दै पौडेलले विभिन्न ३ अस्पताललाई सो रकम उपलब्ध गराउने निर्णय गरेका हुन् ।
उनले डडेल्धुरा अस्पताल, पाटन स्वास्थ्य विज्ञान प्रतिष्ठान र भेरी अस्पताल नेपालगन्ज गरी ३ वटा अस्पताललाई ५ करोड ८३ लाख २४ हजार रुपैयाँ उपलब्ध गराउने निर्णय गरेको उनको सचिवालयले जनाएको छ ।


