कञ्चनपुर ।तिहारका बेला जुवाको खाल चलाउनेमाथि कञ्चनपुर प्रहरीले धमाधम धरपकड जारी राखेको छ ।
जिल्ला प्रहरी कार्यालय कञ्चनपुर र यस मातहतका यूनिटहरुले झण्डै ४ महिनामा जुवातास खेल्ने तथा खेलाउने कार्यमा संलग्न ९५ जनालाई पक्राउ गरी जुवा ऐन अन्तर्गत कारवाही गरेको छ ।
आथिर्क वर्ष ०७८ को साउँन यता जुवाडेहरुमाथि ११ वटा मुद्धा चलाएको र नगद ८ लाख १४ हजार ५ सय १० रुपैया बरामद गरेको जिल्ला प्रहरी कार्यालय कञ्चनपुरका प्रमुख प्रहरी उपरीक्षक उमा प्रसाद चतुर्बेदीले जानकारी दिए ।
जिल्ला तथा यस मातहतका यूनिटहरुले बिभिन्न ठाउँहरुमा छापा मारेर ९५ जनालाई पक्राउ गरेका थिए ।
यस्तै शुक्रवार साँझ करिब साढे ६ बजे भीमदत्त नगरपालिका –६ ऐठपुरमा जुवातास भइरहेको गोप्य सूचनाको आधारमा जिल्ला तथा वडा प्रहरी कार्यालयबाट खटिएको टोलीले छापा मार्दा जुवा खेलमा संलग्न १० जना ब्यक्तिहरुलाई पक्राउ गरेको जनाएको छ । उनीहरुको साथबाट नगद ६२ हजार ७ सय ९० रुपैया पनि बरामद गरिएको छ । जुवामा संलग्नहरुको नाम भने प्रहरीले सार्बजनिक गरेको छैन ।
