काठमाडौं । महोत्तरीको मटिहानी नगरपालिका वडा नम्बर ५ का अध्यक्ष राम बहादुर महतो सेवाग्राहीसँग घूस लिएको आरोपमा पक्राउ परेका छन् । उनीसँगै सहायक कम्प्युटर अपरेटर अव्दुल राईन समेत पक्राउ परेको अख्तियार दुरुपयोग अनुसन्धान आयोगले जनाएको छ ।
जन्म दर्ताको सिफारिस गरिदिएबापत सेवाग्राहीसँग घुस मागेको उजुरीका आधारमा आयोगको कार्यालय बर्दिबासबाट खटिएको टोलीले उनीहरूलाई १० हजार ?पैयाँ घूस लिइसकेको अवस्थामा कार्यालयबाटै नियन्त्रणमा लिइएको अख्तियारका सहायक प्रवक्ता वेदप्रसाद भण्डारीले जानकारी दिए । उनीहरुमाथि थप अनुसन्धान भइरहेको अख्तियारले आइतबार जारी गरेको विज्ञप्तिमा उल्लेख छ ।
