काठमाडाैं । प्रहरीले महाराजगञ्जबाट बुधबार साँझ पेस्तोल र पाँच राउन्ड गोलीसहित तीन जनालाई पक्राउ गरेको छ ।पक्राउ पर्नेमा धादिङका २४ वर्षीय विविन मगर, २५ वर्षीय मन्दीप थापा र १९ वर्षीय सुजन मगर छन् । उनीहरू गोंगबुस्थित बिजी मलको पछाडि वीरेन्द्र ऐश्वर्य मार्गको आरके रेष्टुरेन्टमा लुकिछिपी बसिरहेका थिए ।
झोला जाँच गर्ने क्रममा उनीहरूको साथबाट पेस्तोल, पाँच राउन्ड गोली र दुई थान कुखुरी फेला परेको वृत्तका प्रहरी नायब उपरीक्षक प्रमेश विष्टले बताए ।
उनीहरूलाई अनुसन्धानका लागि हिरासतमा लिइएको छ ।
