सिरहा । कर्तव्य ज्यान मुद्दाका फरार अभियुक्तलाई सिरहा प्रहरीले पक्राउ गरेको छ । पक्राउ पर्नेमा कर्जन्हा नगरपालिका -३ बन्दिपुर बस्ने ४३ वर्षीय ताहिर राईन रहेका छन । ताहिर लाई प्रहरीले मंगलबार आफ्नै घरबाट पक्राउ गरेको हो ।
लामो समय देखि लुकिछिपी घरमा रहँदै आएका ताहिर लाई इलाका प्रहरी कार्यालय बन्दिपुर सिरहाबाट खटिएका प्रहरी टोलिले पक्राउ गरेका छन ।
ताहिर लाई आवश्यक कार्वाहीको लागि जिल्ला अदालत सिरहामा बुझाइ कारागार चलान गरिएको जिल्ला प्रहरी कार्यालय सिरहाका प्रमुख एसपी हिरा बहादुर पाण्डेले जानकारी दिए ।
