उदयपुर । अटोमेटिक पेस्तोल सहित एक जना पक्राउ परेका छन् । उदयपुर जिल्लाको त्रियुगा नगरपालिका ३ मोतिगढाका ५० बर्षीय पर्शुराम चौधरी पेस्तोल सहित पक्राउ परेका हुन् ।
मोतिगढास्थित घरमा बस्दै आएका चौधरीले हतियार लुकाई राखेको छ भन्ने विशेष सूचनाको आधारमा बुधबार राति १० बजे जिल्ला प्रहरी कार्यालय उदयपुरबाट खटिएको प्रहरी टोलीले उनको कोठाबाट अटोमेटिक मेड इन युएसए लेखिएको पेस्तोल थान १ र गोली ५ राउण्ड फेला पारेको थियो ।
प्रहरीले थप अनुसन्धान गर्ने क्रममा उनकै कोठाबाट अखिल नेपाल ट्रेड युनियन महासंघ लेखिएको सहयोग रसिद ८ ठेली, नेकपा माओवादी लेखिएको सदस्यता पत्र थान ३, अखिल नेपाल निर्माण मजदुर संघ लेखिएको सदस्यता पत्र थान ८५ समेत फेला पारेको थियो ।
पक्राउ परेका चौधरी उपर थप अनुसन्धान तथा कानुनि कारबाही अगाडी बढाईएको छ ।
