आलोक यादव
लहान । सुनसरी प्रहरीको मिलोमतोमा तस्करी गरी लगिएको ठुलो परिणाममा चाइनिज स्याउ सहित तीन वटा नेपाली ट्रक भारतीय प्रहरीले बरामद गरेको छ ।
सुनसरी जिल्लाको सीमा नाकाहुँदै तस्करी गराइएको तीनवटा नेपानी नम्बर प्लेटको गाडीसहित ठुलो परिणाममा चाइनिज स्याउ आइतबार बिहान भारतीय प्रहरीले बरामद गरेको हो ।
प्रत्यक्षदर्शीले जानकारी गराएअनुसार सुनसरी जिल्लाको सीमा नाकाहुँदै तीनवटा गाडीमा लगिएको १३ सयभन्दा बढी कार्टुन चाइनिज स्याउसहित आठजना व्यक्ति पक्राउ परेका हुन् ।
पक्राउ परेका व्यक्तिहरुका बारेमा थप अनुसन्धान भारतीय प्रहरीले गरिएको हुँदा आइतबार दिउँसोसम्म बाँकी कुरा सार्वजनिक गरिने बताइएको छ ।
