जनकपुरधाम । श्रीमानको हत्या गरेर फरार पत्नीसहित ४ जना पक्राउ परेका छन् । धनुषा जिल्लाको हंसपुर नगरपालिका–६ टिल्हीका २५ वर्षीय शम्भु मण्डलको हत्यापछि फरार भएकी पत्नी र भाइलाई उदयपुरबाट पक्राउ गरिएको जिल्ला प्रहरी कार्यालय धनुषाका प्रहरी नयाव उपरीक्षक ( डीएसपी ) मकेन्द्र मिश्रले जानकारी दिए ।
हत्या आरोपमा २३ वर्षीय पत्नी सुशीलादेवी मण्डल र भाइ अनिल मण्डल पक्राउ गरिएको छ । उनीहरुलाई भगाउन र लुकाउन संलग्न अन्य २ जनलाई समेत पक्राउ गरिएको डीएसपी मिश्रले बताए ।
देवरसँग भाउजुको अनैतिक सम्बन्धका कारण विवाद हुँदा श्रीमती र भाइहरुले नै शम्भुको हत्या गरेको हुन सक्ने प्रहरीको प्रारम्भिक अनुसन्धानबाट खुलेको प्रहरी नायब उपरीक्षक मिश्रको भनाइ छ ।
गत शुक्रबार राति धारिलो हतियार प्रहार गरी मण्डलको हत्या भएको थियो ।
