भारतीय रक्षा प्रमुख रावतको नेपाल भ्रमण

काठमाडौं । सरकारले भारतका प्रमुख रक्षा अध्यक्ष जनरल विपिन रावतलाई नेपाल भ्रमणको निम्तो पठाउने भएको छ । वैशाख ९ गते बसेको मन्त्रिपरिषदको बैठकले सो निर्णय गरेको सूचना तथा प्रविधिमन्त्री पार्वत गुरुङ बुधबार सार्वजनिक गरेका छन् ।

सरकारले विषम राजनीतिक परिस्थिती र कोभिड–१९ को महामारीकाबीच भारतीय रक्षा प्रमुख जनरल विपिन रावतलाई सपरिवार नेपाल भ्रमणको निम्तो पठाउने औपचारिक निर्णय गरेको छ । उनी कहिले आउने यसको यकिन भने भइसकेको छैन् । मन्त्रिपरिषदको निर्णयमा दुवै पक्षको सहमतिअनुसार नेपाल भ्रमणका लागि औपचारिक निमन्त्रणा पठाइने उल्लेख छ ।

गोरखा राइफलको पाँचौं बटालियनबाट भारतीय सैन्य सेवामा प्रवेश गरेका रावतको पिढी नै सैनिक पृष्ठभुमीको हो । उनी सिक्किम स्काउटका समेत संरक्षक हुन् । भारतको उत्तराखण्डका जनरल रावत भारतीय सेना प्रमुखबाट अवकाशपछि भारतीय प्रधानमन्त्री नरेन्द्र दामोदर मोदीको विशेष पहलमा थल, जल र हवाई सेना देखि रक्षा मन्त्रालयसम्म हेर्नेगरि उनका लागि नयाँ पद सृजना गरिएको हो ।

नेपालको धेरै पटक भ्रमण गरिसकेका नेपाली सेनाका मार्नाथ सेनापति जनरल रावत नेपाल भारत सम्बन्ध र नेपालको राजनीतिका जानकार मध्ये एक हुन् । उनको भ्रमणका लागि प्रधानमन्त्री केपी शर्मा ओलीले पहल गरेका हुन् ।

गत वर्ष नोभेम्बरमा कोरोना महामारीकै बीचमा भारतीय सेनाका प्रमुख मनोज मुकुुन्द नरवणेले नेपाल भ्रमण गरेका थिए ।

प्रतिक्रिया दिनुहोस

सम्बन्धित समाचार

ताजा समाचार

लोकप्रिय

नेपाल प्रहरी

नागरिकले प्रहरीसँग भरोसा गरुन्, प्रहरीले बर्दीमा गर्व गर्न सकोस् : नवनियुक्त आईजिपी केसी

नागरिकले प्रहरीसँग भरोसा गरुन्, प्रहरीले बर्दीमा गर्व गर्न सकोस् : नवनियुक्त आईजिपी केसी

काठमाडौँ । नवनियुक्त प्रहरी महानिरीक्षक मनोज केसीले नागरिकको सुरक्षा र सम्मानलाई आफूले सदैव सर्वोपरि राख्ने प्रतिबद्धता व्यक्त गरेका छन् । गृह मन्त्रालयमा बुधबार प्रहरी महानिरीक्षकको..