काठमाडौं । कोरोना भाइरस ( कोभिड १९ ) संक्रमण बढेको भन्दै काठमाडौं, ललितपुर र भक्तपुरमा यही वैशाख १६ गतेदेखि एक साताको निषेधाज्ञा लगाउने निर्णय गरेको छ ।
तिनवटै जिल्लामा वैशाख १६ गते विहान ६ बजेदेखि वैशाख २२ गते मध्यराति १२ बजेसम्मका लागि निषेधाज्ञा जारी गरिएको हो ।
तीनवटै जिल्ला प्रशासन कार्यालयले कोभिड नियन्त्रणको लागि भन्दै सोमवार साँझ आदेश जारी गरि यातायात, निजी व्यवसायिक प्रतिष्ठान, अत्यावश्यक सेवाबाहेकका सबै क्षेत्र बन्द गर्ने जनाएका छन् ।


