मालपोत कार्यालय लहानमा बम विस्फोट गराउने गोइत समूहका दुई कार्यकर्ता प्रदेश २ प्रहरीको फन्दामा

गौरभ साह / सिरहा ब्यूरो प्रमुख

सिरहाको लहान नगरपालिका वडा नम्बर – ८ स्थितमा रहेको मालापोत कार्यालय लहानमा बम विस्फोट गराएको अभियोगमा पक्राउ परेका दुबै जनालाई २ नम्बर प्रदेश प्रहरी कार्यलय जनकपुरधामले जनाएको छ । पक्राउ पर्नेमा सिरहाको सुखिपुर नगरपालिका – ५ का २५ वर्षीय रामरिझन यादव र लक्ष्मीपुरका २६ वर्षीय अभिमन्यू गिरी रहेका छन्।

गत चैत १ गते मालपोत कार्यालय लहानको पहिलो तलामा भएको बम विस्फोटमा ८ जना घाइते भएका थिए। प्रेसर कुकर बम विस्फोटमा परी कार्यालयमा समेत क्षति पुगेको छ। बम विस्फोटको जिम्मा घटनाकै दिन तराई जनतान्त्रिक मुक्तिमोर्चा गोइत समूहले प्रेस विज्ञप्ति मार्फत लिएको थियो।

घटनास्थलमा समेत उक्त समूहको पर्चा फेला परेको थियो। बम विस्फोट अध्यक्ष जयकृष्ण गोइतकै निर्देशनमा भएको पाइएको छ। पक्राउ परेका यादवले आरके भन्ने रामकुमार यादवले फागुन २६ गते लहान देखि दक्षिण भगवानपुर गाउँपालिका ठाडी भन्ने स्थानमा आफूलाई प्रेसरकुकर बम दिएको र मालपोत कार्यालयमा पड्काउन लगाएको बताएका छन्।

रामरिझन २०७४ चैत ९ गते लहानमा अवस्थित विकास ट्रेडर्समा भएको बम बिस्फोटमा जिल्ला अदालत सिरहाबाट १ लाख धरौटीमा छुटेका थिए। विराटनगर उपमहानगरपालिकामा २०७५ साउन ३१ गते भएको बम विस्फोटको मुद्दामा पनि ३५ हजार रुपैयाँ धरौटीमा उनि छुटेको बताइएको छ।

गिरी ५ वर्षदेखि उक्त समूहका कार्यरत रहेको र चन्दा असुलिमा समेत संलग्न रहेको पाइएको २ नम्बर प्रदेश प्रहरी कार्यालय जनकपुरधामका प्रमुख प्रहरी नायव महानिरीक्षक ( डीआईजी ) धिरजप्रताप सिंहले जानकारी दिए । गिरी र यादवको साथबाट प्रहरीले कटुवा पेस्तोल दुई थान र त्यसको गोलि चार थान बरामद गरेको छ।

प्रतिक्रिया दिनुहोस

सम्बन्धित समाचार

ताजा समाचार

लोकप्रिय

नेपाल प्रहरी

प्रहरीको सक्रियता : ६ महिनामा ५३६४ जना पक्राउ, १ अर्ब १९ करोडभन्दा बढी जरिवाना असुल

प्रहरीको सक्रियता : ६ महिनामा ५३६४ जना पक्राउ, १ अर्ब १९ करोडभन्दा बढी जरिवाना असुल

काठमाडौं । कर्तव्य ज्यान मुद्दाका फरार प्रतिवादी सिन्धुपाल्चोकका ४२ वर्षीय काले वाङगेल भन्ने निमा लामा पुस ३ गते पक्राउ परे । जिल्ला अदालत सिन्धुपाल्चोकको २०७१..