सिरहा । नेपाल कम्युनिष्ट पार्टी (विप्लब) सिरहाको नबौं बैठकले सक्रेटरी इन्चार्ज र घोषणा गरिएको जनसरकार प्रमुखलाई खारेज गरेको निर्णय गरेको छ । चैत ७ गते सुदीलाल यादवका सभाध्यक्षतामा बसेको बैठकले सिरहा जिल्लाका इन्चार्ज सक्रेटरी र ब्युरो इन्चार्जले पार्टीलाई गुमराहमा राखेर संगठनलाई कमजोर बनाएको आरोप लगाएको छ ।
सहि सत्य धारणा राख्ने तथा जनपक्षीय विचार दिनेपक्षलाई बैठकमा नबोलाएको आरोप लगाउँदै पार्टीका सिरहा जनसरकार प्रमुख तथा जनकपुर ब्युरो उपप्रमुख भक्तबहादुर कार्कीले भने केही जिम्मेवार व्यक्तिले अनियमिता तथा पार्टी हित विपरित क्रियाकलाप गरेको कारण यिनीहरुको जिम्मेवारी खारेज गरेको निर्णय गरिएको हो ।
आजको बैठकले इन्चार्ज सक्रेटरीलाई राखेर स्पष्टिकरण माग्ने निर्णयका साथै महासचिवसँग आन्तरिक छलफल गरी संगठन सुदृढ बनाउँने निर्णय समेत गरेको जानकारी प्राप्त भएको छ ।
