काठमाडौं । प्रधानमन्त्री तथा नेपाल कम्युनिस्ट पार्टी ( एमाले ) का अध्यक्ष केपी शर्मा ओलीले केही घन्टाअघि राजीनामा दिनुभएका महान्यायाधिवक्ता अग्नि खरेलको ठाउँमा अधिवक्ता रमेश बडाललाई महान्यायाधिवक्ता नियुक्तिका लागि सिफारिस गर्नुभएको छ ।
प्रधानमन्त्रीका सिफारिससँगै अब राष्ट्रपतिले महान्यायाधिवक्ता नियुक्त गर्नुहुनेछ । यसअघि बडालले प्रतिनिधि सभा विघटन मुद्दामा प्रधानमन्त्री ओलीको तर्फबाट बहस गर्नुभएको थियो ।
केही घन्टाअघि राजीनामा दिनुभएका महान्यायाधिवक्ता अग्नि खरेलले प्रतिनिधि सभा विघटन मुद्दामा खरेलको बहस फितलो भएको भन्दै सरकार पक्ष असन्तुष्ट रहँदै आएको थियो।
त्यसो त प्रधानमन्त्रीका प्रियका रुपमा परिचित बडाल भने निर्वाचन आयोगमा प्रधानमन्त्री ओलीको प्रतिनिधिका रूपमा जाने गर्नुभएको छ ।
