काठमाडौं । कीर्ते कागजात बनाएर ठेक्का हात पारेको आरोपमा ठेकेदार रवीन्द्र महर्जन पक्राउ परेका छन् । नेपाल प्रहरीको केन्द्रीय अनुसन्धान ब्युरो(सीआईबी)ले महर्जनलाई बुधबार साँझ ललितपुरको पुल्चोकबाट पक्राउ गरेको हो । उनलाई ब्युरोको हिरासतमा राखिएको छ ।
प्रधानमन्त्री तथा मन्त्रिपरिषद्को कार्यालयको पत्रपछि सीआईबीले महर्जनलाई बुधबार साँझ नियन्त्रणमा लिएको छ । देशका विभिन्न ठाउँ भएका विभिन्न बोलपत्रमा योग्यता नपुग्दा नपुग्दा फर्जी कागजात पेस गरी उनले ठेक्का हात पारेको आरोप हो । ब्युरोका प्रवक्ता एसपी गंगा पन्तले महजर्नमाथि अनुसन्धान भइरहेको बताइन् ।
