काठमाडौं । प्रधानमन्त्री तथा नेकपा एमालेका अध्यक्ष केपी शर्मा ओली संसद बैठक सुरु नहुँदै बाहिरिनुभएको छ । २३ फागुनमा पनि संसद्मा पुग्नेवित्तिकै बाहिरिनुभएका ओली बुधबार पनि प्रतिनिधि सभा बैठकको कार्यसूचीका सम्बन्धमा सभामुख, दलका नेता र कानुन मन्त्रीबीच छलफल चलिरहँदा बाहिरिनुभएको हो ।
बैठक सुरु नहुँदै हिँड्नुको कारणबारे सञ्चारकर्मीको जिज्ञासमा प्रधानमन्त्री ओलीले हातमात्रै हल्लाउँदै हिँड्नुभएको जनाइएको हो ।
बुधबारको संसद बैठकमा दलका नेताहरुले सम्बोधन गर्ने कार्यसूची छ । बैठकमा सरकारका तर्फबाट विभिन्न अध्यादेश टेबल गर्ने र शोक प्रस्ताव पारित गर्ने कार्यसूची रहेको छ ।
बुधबार १ बजेदेखि पुनः संसद् बैठक बस्ने भनिए पनि प्रधानमन्त्री ओली बैठकअगावै निस्केर हिँड्नभएको जनाइएको छ ।
