मोरङ । नेकपा अलग हुँदा प्रधानमन्त्री केपी शर्मा ओलीले पार्टीको केन्द्रीय सदस्य बनाएका मोरङ जिल्लाका युवराज बाँस्कोटा हत्या आरोपमा पक्राउ परेका छन् । उनलाई मोरङ जिल्लाको पथरीशनिश्चरे–१० जिरीखिम्तीका १९ वर्षीय सन्दीप भण्डारीको हत्या अभियोगमा प्रहरीले पक्राउ गरेको छ ।
गएको पुस १४ गते भण्डारी पथरीशनिश्चरे २ मंगलबारेस्थित युवराज बाँस्कोटाको घरमा मृत फेला परेका थिए । त्यसपछि मृतकका परिवारले २६ पुसमा ‘कर्तब्य ज्यान’ मुद्दामा बाँस्कोटाविरूद्ध इलाका प्रहरी कार्यालय पथरीमा किटानी जाहेरी दिएका थिए ।
किटानी जाहेरी परेपछि अनुसन्धानको लागि बाँस्कोटा नियन्त्रणमा लिइएको प्रहरीले जनाएको छ । संसद् विघटनपछि तत्कालीन नेकपाकाे ओली समूहले बाँस्कोटालाई केन्द्रीय सदस्य बनाएको थियो ।
