अध्यक्ष प्रचण्डलाई प्रम ओलीको प्रस्ताव : सरकारमा सहकार्य गरौं, फेरि पार्टी एकता गरौं कमरेड

काठमाडौं । प्रधानमन्त्री तथा एमाले अध्यक्ष केपी शर्मा ओलीले माओवादी केन्द्रका अध्यक्ष पुष्पकमल दाहाल प्रचण्डलाई पुन : मिलेर सरकार बनाउने प्रस्ताव गरेका छन् ।

सर्वोच्चले नेकपा खारेज गरेपछि एमाले र माओवादी केन्द्र पूर्ववत अस्तित्वमा आएका छन् । खुमलटार श्रोतका अनुसार ओलीले आफ्ना एक विश्वासपात्रमार्फत प्रचण्डसमक्ष आफ्नो सरकारलाई विश्वासको मत दिन र सरकारमा सहयात्रा गर्ने प्रस्ताव पठाएका हुन् । ‘केपी ओलीले आफ्नो टिमका एक नेतामार्फत सरकारका सहकार्यको प्रस्ताव पठाउनुभएको छ’, प्रचण्डको सचिवालयका एक सदस्यले काठमाण्डुटुडेसँग भने, ‘यताबाट के गर्ने भन्ने जवाफ गइसेकको छैन ।

माओवादी केन्द्रले सरकारलाई दिएको समर्थन फिर्ताको तयारी गरिरहेको चर्चाका बीच ओलीको नयाँ प्रस्ताव आएको हो । तत्कालका लागि सत्ता गठबन्धन गर्दै अर्को निर्वाचनसम्म पुनः पार्टी एकीकरणको वातावरण बनाउन सकिने ओलीको भनाइ छ ।

नेकपा विवादमा प्रचण्डलाई साथ दिँदै आएको माधवकुमार नेपाल नेतृत्वको समूहले एमालेमै रहने निर्णय गरेको थियो । अदालतले नेकपा एकीकरण खरेज गरेसँगै प्रधानमन्त्री संविधानको धारा ७६ उपधारा (२) अन्तर्गतको संयुक्त सरकारका प्रधानमन्त्रीमा रुपान्तरण भएका छन् । अदालतको आदेशअनुसार प्रधानमन्त्री ओलीले एक महिनाभित्र विश्वासको मत लिनुपर्छ । तर, माओवादी केन्द्रले समर्थन फिर्ता दिएको अवस्थामा सरकारले त्यसअघि नै संसदमा बहुमत गुमाउँछ ।

ओलीले आफ्नो सरकारको निरन्तरताका लागि अन्य दलका कम्तिमा १८ सांसदको समर्थन पाउनुपर्ने हुन्छ । माओवादी केन्द्रसँग ५३ सांसद छन् । सरकारको निरन्तरताका लागि जनता समाजवादी, माओवादी केन्द्र वा काँग्रेसमध्ये एक दलको समर्थन लिनैपर्ने बाध्यता ओलीलाई छ ।

प्रतिक्रिया दिनुहोस

सम्बन्धित समाचार

ताजा समाचार

लोकप्रिय

नेपाल प्रहरी

नेपाल प्रहरीका केन्द्रीय प्रवक्ताबाट गत साउन महिनामा विभिन्न व्यक्ति तथा संस्थालाई सूचना प्रवाह

नेपाल प्रहरीका केन्द्रीय प्रवक्ताबाट गत साउन महिनामा विभिन्न व्यक्ति तथा संस्थालाई सूचना प्रवाह

काठमाडौं । नेपाल प्रहरीका केन्द्रीय प्रहरी प्रवक्ता प्रहरी नायव महानिरीक्षक कुवेर कडायतले गत साउन महिनामा व्यक्ति र संस्था गरी जम्मा ९९ जनालाई नेपाल प्रहरीसँग सम्बन्धित..