न्यायपरिषद बैठक बस्दै, सर्वोच्चमा २ र उच्चमा १९ न्यायाधीश नियुक्ति

काठमाडौं । सर्वोच्च अदालत र उच्च अदालतमा रिक्त न्यायाधीश नियुक्तिका लागि आज न्यायपरिषद बैठक बस्दैछ । प्रधानन्यायाधीश चोलेन्द्रशमशेर जबराको अध्यक्षतामा बस्ने न्यायपरिषद बैठकमा सर्वोच्च र उच्च अदालतमा रिक्त न्यायाधीश नियुक्ति गर्दैछ ।
सर्वोच्च अदालतमा २ न्यायाधीश पदरिक्त छन् । देशभरका उच्च अदालतहरुमा १९ न्यायाधीश रिक्त छन् ।

सर्वोच्च अदालतका न्यायाधीश केदार चालिसे र डम्बर शाही अवकाश भएपछि २ पद रिक्त भएका हुन् । चालिसे ०७६ मंसिर २ गते र शाही ०७७ जेठ २७ गते ६५ वर्षे उमेर हदबन्दीका कारण बिदा भएका थिए ।

केपी ओली नेतृत्वको सरकारबिरुद्ध अविश्वास प्रस्ताव ल्याउने तयारी भइरहेको बेला त्यही सरकारका कानुन मन्त्रीको सहभागितामा न्यायपरिषद बैठक बस्दैछ । कानुन मन्त्री पनि न्यायपरिषदको सदस्य हुन्छन् ।

५ सदस्यीय न्यायपरिषदमा प्रधानन्यायाधीश अध्यक्ष, सदस्यहरुमा कानुन मन्त्री, सर्वोच्च अदालतका बरिष्ठतम न्यायाधीश, सरकारले नियुक्त गरेका एक सदस्य र नेपाल बार एशोसिएसनबाट प्रतिनिधित्व गर्ने एक सदस्य हुन्छन् । न्यायपरिषदमा प्रधानमन्त्री ओलीको चाहना अनुसार न्यायाधीश नियुक्ति हुने संभावना क्षीण छ ।

५ सदस्यीय परिषदको आजको बैठकमा प्रधानमन्त्री ओलीले आफ्नो कोटामा पनि न्यायाधीश नियुक्ति गराउन खोजेका छन् । तर, प्रतिनिधिसभा पुनस्र्थापनापछि प्रधानन्यायाधीश चोलेन्द्रशमशेर राणासँग उनको सम्बन्ध चिसिएको चर्चा छ । नेपाल बार एशोसिएसनबाट प्रतिनिधित्व गर्ने परिषद सदस्य रामप्रसाद श्रेष्ठले ओलीको चाहनामा साथ दिने संभावना छैन ।

सर्वोच्च अदालतका बरिष्ठतम न्यायाधीश दीपककुमार कार्कीले बिधि अनुसार नियुक्ति गर्नुपर्ने पक्षमा सदैब आफ्नो धारणा राख्दैआएका छन् । प्रधानमन्त्री ओलीको पक्षमा कानुन मन्त्री लीलानाथ श्रेष्ठ र उनकै सिफारिसमा राष्ट्रपतिबाट नियुुक्त सदस्य लक्ष्मीबहादुर निराला खड्का परिषदमा सदस्य छन् ।
न्यायपरिषद बैठकले यस्तो अवस्थामा आज न्यायाधीश नियुक्तिको लागि बैठक राख्दैछ ।

प्रतिक्रिया दिनुहोस

सम्बन्धित समाचार

ताजा समाचार

लोकप्रिय

नेपाल प्रहरी

नेपाल प्रहरीका केन्द्रीय प्रवक्ताबाट गत साउन महिनामा विभिन्न व्यक्ति तथा संस्थालाई सूचना प्रवाह

नेपाल प्रहरीका केन्द्रीय प्रवक्ताबाट गत साउन महिनामा विभिन्न व्यक्ति तथा संस्थालाई सूचना प्रवाह

काठमाडौं । नेपाल प्रहरीका केन्द्रीय प्रहरी प्रवक्ता प्रहरी नायव महानिरीक्षक कुवेर कडायतले गत साउन महिनामा व्यक्ति र संस्था गरी जम्मा ९९ जनालाई नेपाल प्रहरीसँग सम्बन्धित..