काठमाडौं । नेपाल प्रहरीले काठमाडौंबाट अवैध हुण्डी कारोबारमा संलग्न तीन जनालाई नियन्त्रणमा लिएको छ । महानगरीय प्रहरी वृत्त कालिमाटीका अनुसार आइतबार काठमाडौंको कुलेश्वरबाट अवैध हुण्डी कारोबारमा संलग्न तीन जनालाई नियन्त्रणमा लिइएको हो ।
पक्राउ परेका ३ जनाको साथबाट प्रहरीले १८ लाख ७८ हजार रुपैयाँ पनि बरामद गरेको छ । प्रहरीले नुवाकोटको दुप्चेश्वर उँपालिका–६ स्थायी घर भई तार्केश्वर नगरपालिका–१० बस्ने २४ वर्षीय सुमन थापा र भारतको बिहार घर भई कुलेश्वर बस्ने ५६ वर्षीय सत्यनारायण प्रसादलाई नियन्त्रणमा लिएको हो ।
प्रहरीले थापा र प्रसादसहित नुवाकोटको विदुर नगरपालिका–१३ घर भई कान्तिपुर कोलोनीमा बस्ने ३७ वर्षीय नवराज कार्कीलाई पनि नियन्त्रणमा लिएको हो । पक्राउ परेका तीन जनाविरुद्ध थप अनुसन्धान भइरहेको प्रहरीले जनाएको छ ।
