एपीएफ र एसएसवीको मिलोमतोमा जमुनाह नाकामा खुलेआम तस्करी हुँदै

बाँके । नेपालगन्जको जमुनाह नाका पश्चिम नेपालकै प्रमुख नाकामध्यको एक हो । लकडाउनका कारण गएको चैत ११ गतेदेखि बन्द रहेको यो नाका तीन चार महिना यतादेखि नियमितजस्तै छ । सवारी साधन जान नदिएपनि नेपाली नागरिकहरु दैनिक उपभोग्य सामाग्री खरिदका लागि आउजाउ गरिरहेका छन् ।

गएको माघ १६ गतेदेखि यो नाकालाई पहिलेकै झै नियमित बनाउन गृहमन्त्रालयले जिल्ला प्रशासनमा परिपत्र गरेको छ । तर नयाँ भाइरसको जोखिम भन्दै नाकालाई पूर्वकै अवस्थामा खुला गर्न प्रशासनले रोकलगाउँदा त्यसको सिधा फाइदा तस्करहरुलाई पुगेको छ । मुख्य नाकालाई छलेर तस्करहरुले नाकाको पूर्वीनाकाबाट अवैधरुपमा दैनिक उपभोग्य सामान भित्र्याइरहेका छन् । डिउटीमा खटिएका सशस्त्र प्रहरीहरु देखेपनि नदेखे झै गर्ने गरेका छन् ।

डिउटीमा खटिने पारि एसएसवीका जवान र वारी सशस्त्रका जवानले पचास रुपैयाँदेखि पाँचसय रुपैयाँसम्म असुल्ने गरेका छन् । एसएसवीको गेटमा र जमुनाह नाकाको गेटमा व्यापाकमात्रामा तस्किरी हुँदा समेत सुरक्षाका उच्चतहले कुनै वास्ता गरेको छैन् । सेटिङको सामान आउँना साथ डिउटीमा खटिएका सशस्त्रहरुले नदेखे झै गर्छन र सामान प्रवेश हुन्छ । कतिपय सशस्त्र जवान त त्यस्ता सेटिङका अवैध सामान आउन थालेपछि मोवाइल फोनमा व्यस्त हुने गरेका छन् ।

भन्सारका कर्मचारीपनि असुली धन्दामा लाग्दा तस्करहरु खुलेआम अवैध सामान भित्र्याउन सफल भएका छन् । चौलिका चोकमा खटिने सशस्त्र प्रहरीपनि तस्करसँगको अवैध सेटिङमा छन् । मोटरसाइकल तथा साइकिलमा क्यारिङ गरेर दैनिकरुपमा ऑटोपार्ट्स, कपडा, खाद्यान्न, चामल, दाल, सूर्तिजन्य बस्तुलगायतका सामानहरु ल्याइरहेका छन् । ती सामान ल्याएवाफत उनीहरुले सशस्त्र प्रहरीलाई रकम बुझाउने गरेका छन्। एसएसवीदेखि सशस्त्र प्रहरीसम्मको मिलेमतोमा हुने अवैध तस्करी रोक्न न सिडियोको प्रभावकारी भूमिका देखिएको छ न त एसपीको नै ?

प्रतिक्रिया दिनुहोस

सम्बन्धित समाचार

ताजा समाचार

लोकप्रिय

नेपाल प्रहरी

प्रहरीको सक्रियता : ६ महिनामा ५३६४ जना पक्राउ, १ अर्ब १९ करोडभन्दा बढी जरिवाना असुल

प्रहरीको सक्रियता : ६ महिनामा ५३६४ जना पक्राउ, १ अर्ब १९ करोडभन्दा बढी जरिवाना असुल

काठमाडौं । कर्तव्य ज्यान मुद्दाका फरार प्रतिवादी सिन्धुपाल्चोकका ४२ वर्षीय काले वाङगेल भन्ने निमा लामा पुस ३ गते पक्राउ परे । जिल्ला अदालत सिन्धुपाल्चोकको २०७१..