बलात्कार प्रयासको आरोपमा पक्राउ


मोरङ । मोरङ जिल्लाको विराटनगरमा घरजग्गाको कारोबार गर्दै आएका एक व्यक्ति बलात्कार प्रयासको आरोपमा पक्राउ परेका छन् ।

विराटनगर महानगरपालिका–२ का ६० वर्षीय ज्ञानु प्रधानलाई बुधबार साँझ टोलबासीले कब्जामा लिई प्रहरीको जिम्मा लगाएका हुन् ।

घर जग्गा किनबेचको कारोबार गर्दै आएका प्रधान बुधबार दिउँसो घर किन्ने ग्राहकलाई घर देखाउन एउटा घरमा पुगे । घरमा दुई दिदीबहिनी मात्र रहेको थाहा पाएपछि उनी पुनः साझ पनि त्यस घरमा पुगेका थिए । बेलुका घरमा रहेका दुई दिदीबहिनीलाई जबर्जस्ती गर्न खोजेपछि टोलबासीले कुटपिट गरेर प्रहरीमा बुझाएका हुन् ।

जिल्ला प्रहरी कार्यालय मोरङका प्रमुख प्रहरी उपरीक्षक ( एसपी ) सन्तोष खड्काले प्रधानलाई पक्राउ गरी अनुसन्धान सुरु गरिएको जानकारी दिए । छिमेकीका अनुसार पीडित युवतीका बुबा अमेरिकामा बस्दै आएका छन् । आमा पनि अमेरिका नै जाने तयारीमा छन् । अमेरिका जाने भएपछि घर बेच्न खोजेका थिए । घर बिक्री गर्नका लागि चिनजानकै प्रधानलाई आग्रह गरेका थिए । बुधबार दिउँसो ग्राहकलाई घर देखाउन प्रधान पुगे । ती छिमेकीका अनुसार आमा नभएको थाहा पाउदा पाउँदै बेलुका घरमा आई १७ वर्षीया किशोरीमाथि करणीको प्रयास गरे ।


किशोरीले प्रतिकार गरेपछि भेला भएका स्थानीयले निर्घात कुटिपिट गरी प्रहरीको जिम्मा लगाएका थिए । प्रहरीले प्रधानविरुद्ध जबरजस्ती करणी उद्योगको मुद्दा चलाउने तयारी गरेको छ ।

प्रतिक्रिया दिनुहोस

सम्बन्धित समाचार

ताजा समाचार

लोकप्रिय

नेपाल प्रहरी

नागरिकले प्रहरीसँग भरोसा गरुन्, प्रहरीले बर्दीमा गर्व गर्न सकोस् : नवनियुक्त आईजिपी केसी

नागरिकले प्रहरीसँग भरोसा गरुन्, प्रहरीले बर्दीमा गर्व गर्न सकोस् : नवनियुक्त आईजिपी केसी

काठमाडौँ । नवनियुक्त प्रहरी महानिरीक्षक मनोज केसीले नागरिकको सुरक्षा र सम्मानलाई आफूले सदैव सर्वोपरि राख्ने प्रतिबद्धता व्यक्त गरेका छन् । गृह मन्त्रालयमा बुधबार प्रहरी महानिरीक्षकको..