काठमाडौं । राष्ट्रिय निर्वाचन पर्यवेक्षण समिति (नियोक) ले वि.सं.२०७२ बैशाख १२ गते र त्यस पछि आएका पराकम्पले क्षती पुगेको केही जिल्लाको दोस्रो चरणको अनुगमन गरी प्रतिवेदन प्रस्तुत गरेको छ । अनुगमन गरीएका जिल्लाहरुमा गोरखा, सिन्धुपाल्चोक र दोलखा रहेका छन ।
भूकम्पछि पीडितहरुको अवस्था बुझेर आफ्नो प्रतिवेदन सार्वजनिक गरेको छ । नियोकका सभापति सूर्यप्रसाद श्रेष्ठको सभापतित्वमा भएको उक्त कार्यक्रममा स्वागत मन्तव्य प्रा.डा.कुसुम श्रेष्ठले राख्नु भएको थियो । वि.सं.२०७३ पुस २९ गते शुक्रबार काठमाडौंको होटल एलो पेगोडामा एक समारोहकावीच आफ्नो प्रतिवेदन राष्ट्रिय पुनर्निर्माण प्राधिकरणका सचिव डा.सञ्जय शर्मा र नियोकका केन्द्रिय सभापति सूर्यप्रसाद श्रेष्ठद्धारा संयुक्त रुपमा सार्वजनिक गरिएको थियो ।
नियोकका तर्फबाट कार्यक्रम निर्देशक विकल श्रेष्ठले अनुगमनका क्रममा भूकम्पबाट पीडित भएका नागरिकहरुमा देखिएका समस्या र आवश्यकताको बारेमा समेटिएका सामाग्रीहरु प्रस्तुत गरिएको थियो । प्रतिवेदनमा तीन जिल्लाका भूकम्प पीडितहरुसँग प्रत्यक्ष भेटेर गुनासाहरु संकलन गरिएको उल्लेख गरिएको छ । गोरखामा १५ हजार, दोलखा २२०२२, सिन्धुपाल्चोकमा १४७४७ गुनासाहरु संकलन गरिएको बताइएको छ ।
यसै अवसरमा अनुगमनको लागि एनडिआइको सहयोग रहेको र कार्यक्रममा एनडिआइ नेपालका निर्देशक केन्जाले पनि आफ्नो मन्तव्य राख्नु भएको थियो । प्रतिवेदनले उठाएका समस्याको बारेमा राष्ट्रिय पुननिर्माण प्राधिकरणकन सचिव डा.सञ्जय शर्माले प्रतिवेदनमा उठाइएका समस्यालाई आफुले सरकार समक्ष पेश गर्ने धारणा राख्नु भएको थियो ।
कार्यक्रममा केही समय अघि पुननिर्माण प्राधिकरणमा कार्यरत रामप्रसाद थपलिया, सशस्त्र प्रहरी वलका प्रहरी उपरिक्षक फणीन्द्रराज पौडेल, नियोक भक्तपुरका सभापति अकुरप्रसाद शर्मा न्यौपाने लगायतले प्रतिवेदनमाथि छलफलका क्रममा टिप्पणी गरेका थिए । नियोकका केन्द्रिय उपाध्यक्ष प्रा.डा.कपिल श्रेष्ठले कार्यक्रममा उठेका वियय बस्तु समेटने र सम्बन्धित निकायलाई जानकारी गराउँने प्रतिवद्धता समेत जाहेर गर्नु भएको उक्त कार्यक्रमको समापन गर्दै कार्यक्रमको उद्देश्यका बारेमा भनाई सभापति सूर्य प्रसाद श्रेष्ठले राख्नु भएको थियो ।
