काठमाडौं । नेपाल कानून व्यवसायी परिषदले एक अधिवक्ताको प्रमाणपत्र रद्द गरेको छ । एक वरिष्ठ अधिवक्तासहित ७ लाई नसिहत दिइएको छ ।
परिषदले अधिवक्ता गुणराज निरौलाको प्रमाणपत्र रद्द गरेको हो । ६३१७ प्रमाणपत्र नम्बरका निरौला उच्च अदालतको बार एकाईमा आबद्ध रहेको परिषद्ले जनाएको छ ।
वरिष्ठ अधिवक्ता रामेश्वर सुवेदीलाई नसिहत दिइएको छ । सुवेदी प्यूठान बार एकाईमा आबद्ध थिए ।
त्यसैगरी अधिवक्ताहरू प्रमोदकुमार सुवेदी, रमेशकुमार रिमाल, बाबुराम रेग्मी, अरबिन्दकुमार झा, सुधा रिजाल र संजयराज अधिकारीलाई नसिहत दिएको छ ।
परिषद्ले यसबारे सर्वोच्च अदालतलाई जानकारी गराएको छ । जानकारी पाएलगत्तै सर्वोच्चले त्यसबारे सार्वजनिक सूचना जारी गरेको छ ।
