काठमाडौं । बझाङको जयपृथ्वी नगरपालिका–७ बाट प्रहरीले हत्या आरोपमा एकजना युवकलाई पक्राउ गरेको छ । पक्राउ पर्नेमा २३ वर्षीय दिपेन्द्र थापा छन् । ४६ वर्षका स्थानिय पिरु भण्डारीको हत्या गरेको आरोपमा उनलाई पक्राउ गरिएको जिल्ला प्रहरी कार्यालय बझाङले जनाएको छ । रोजगारका लागी भारत जाँदै गरेका छोरालाई गाडी चढाएर फर्किँदा मृतक भण्डारीले युवकसँग विवाद गरेका थिए ।
दिपेन्द्र थापाको पानी घट्टमा विवाद हुँदा कुटपिट गरेर धकेलेको र पछारिएर घाइते भएका भण्डारीको उपचारको क्रममा जिल्ला अस्पताल बझाङमा मृत्यु भएको प्रहरीको प्रारम्भिक अनुसन्धानबाट थाहा भएको छ । घटनाबारे थप अनुसन्धान भइरहेको जिल्ला प्रहरी कार्यालय बझाङले जनाएको छ ।