काठमाडौं । नेपाल र भारत सीमा सुरक्षा सम्बन्धी ३ दिने बैठक बुधबारबाट काठमाडौंमा सुरु हुने भएको छ । बैठकमा नेपालको सशस्त्र प्रहरी बल र भारतको सीमा सुरक्षा सशस्त्र बलका प्रमुखले आ आफ्नो देशको प्रतिनिधमण्डलको नेतृत्व गर्ने छन् ।
बैठकमा नेपालको सशस्त्र प्रहरी बलका महानिरीक्षक राजु अर्याल र भारतकोतर्फबाट सीमा सुरक्षा सशस्त्र बलका महानिर्देशक सुजोय लाल थाओसेनको सहभागिता रहने छ । बैठक सीमा सुरक्षा, सीमापार अपराध नियन्त्रण र तालिम आदानप्रदानमा केन्द्रीत हुने बताइएको छ ।
प्रत्येक वर्ष आलोपालो बैठकको आयोजना हुने गरेको छ । यसअघि गत असोजमा भारतको नयाँ दिल्लीमा सीमा बैठक आयोजना गरिएको थियो ।
