काठमाडौं । सशस्त्र प्रहरीले धनुषाको जनकनन्दनी गाउँपालिका–१ इनर्वास्थित सीमा इलाकाबाट स्रोत नखुलेको ८३ लाख ६४ हजार ५ सय रुपैयाँसहित दुईजनालाई पक्राउ गरेको छ ।
सोहि गाउँपालिका–५ बस्ने ३६ वर्षीय ईश्वर मण्डल र १९ वर्षीय जनक मण्डललाई मंगलबार दिउँसो सशस्त्र प्रहरीको ‘बोर्डर आउट पोष्ट’ (बिओपी) इनर्वाबाट इन्स्पेक्टर शम्भु कटुवालको कमाण्डमा खटिएको टोलीले पक्राउ गरेको हो ।
भारतबाट आलुको बोरा बोकी नेपालतर्फ आउँदै गरेको ज७प ५००७ नम्बरको टरसाइकललाई रोकी जाँच गर्दा स्रोत नखुलेको १ हजारको को ७०० थान, ५ सयको २६९९ थान, १ सयको १०० थान र ५० को १०० थान गरी जम्मा ८३ लाख ६४ हजार ५ सय रुपैयाँ उनीहरुको साथबाट फेला परेको थियो ।
बरामद भएको उक्त नगद तथा मोटरसाइकल भन्सार कार्यालय जनकपुरमा बुझाउने प्रक्रिया चलिरहेको छ ।
