सिराहा । ११ लाख रुपैयाँ सहित सशस्त्र प्रहरीले एक जना हुण्डी कारोबारीलाई पक्राउ गरेको छ ।
सशस्त्र प्रहरी बल नेपाल नं २ छिन्नमस्ता बाहिनी मुख्यालय महोत्तरी वर्दिवास र सशस्त्र प्रहरी बल नेपाल नं७ गण हे.क्वा.सिरहाको संयुक्त सशस्त्र प्रहरीको टोलीले बिशेष सुचनाको आधारमा अबैध ११ लाख तिन हजार पचास रुपैया नगर सहित साहलाई पक्राउ गरेका छन् ।
सशस्त्र प्रहरी बल नेपाल नं ७ गण हे.क्वा.सिराहाका प्रमुख गणपति सशस्त्र प्रहरी उपरिक्षक रमेश कुमार थापाका अनुसार भारतबाट नेपाल आउने क्रम्मा सशस्त्र प्रहरीको टोलीले भगवानपुरबाट पछयाउदै सिराहाको लहान नगरपालिका वडा नं १ मटिर्यवामा पक्राउ गर्न सफल भयो ।
पक्राउ पर्नेमा सिरहाको भगवानपुर गाँ.पा.४ जमुवाटोल निवासी राजेन्द्र प्रसाद साहको ४४ वर्षीय छोरा दिलिप कुमार साह रहेको छ । साहको साथबाट सशस्त्र प्रहरीले १ हजारको नोट ८ सय ३ ओटा,५ सयको नोट ४ सय ओटा,१ सयको नोट ९ सय ९९ ओटा त्यस्तै ५० को नोट ३ ओटा गरि ११ लाख तिन हजार ५० रुपैया बरामद गरिएको छ ।
थप अनुसंन्धानका लागि माडर भन्सार कार्यालयमा बुझाईएको एसपी थापाले जानकारी दिए । थापा सिराहा आए देखि सिमानाकाबाट हुने अबैध चोरी पैठारीमा लगाम कसेका छन् भने सशस्त्र प्रहरीमा अनुसासित हुनुका साथै काममा थप उर्जा प्राप्त भएका छन् ।
एसपी थापाले भने अपराधिक गतिविधिमा पर्ने लागुऔषध र हातहतियारको अबैध कार्यमा कुनै सम्झैता नहुने बरु काडा रुपमा प्रस्तुत हुने विश्वास व्यक्त गरेका हुन् ।
