सिराहा । सिराहाको कल्याणपुर नगरपालिकाकी उपमेयर श्रीमती रेखा कुमारी यादवले मंगलबारदेखि कार्यवाहक मेयरको रूपमा जिम्मेवारी सम्हालेकी छिन् ।
नगरपालिकाका मेयर रामपुकार साहलाई अख्तियार दुरुपयोग अनुसन्धान आयोग बर्दिबासको टोलीले गत असार ३२ गते १ लाख रुपैयाँ घुससहित पक्राउ गरेपछि यादव कार्यवाहक मेयर नियुक्त भएकी हुन् ।
स्थानीय सरकार ऐनअनुसार मेयर अनुपस्थित वा अयोग्य भएका अवस्थामा उपमेयरले कार्यवाहक मेयरको रूपमा कार्य गर्ने व्यवस्था रहेको छ । सोही आधारमा उपमेयर यादवले नगरपालिकाको दैनिक प्रशासनिक तथा सेवा प्रवाहसम्बन्धी कार्यभार सम्हालेकी हुन् ।
कार्यभार ग्रहणपछि उनले नगरको विकास, जनसरोकारका विषयहरू तथा नागरिक सेवा प्रवाहमा कुनै अवरोध नआउने गरी निरन्तरता दिने प्रतिबद्धता व्यक्त गरेकी छिन् ।
