काठमाडौँ । अख्तियार दुरुपयोग अनुसन्धान आयोगका प्रमुख आयुक्त प्रेमकुमार राईविरुद्ध अख्तियारमा उजुरी दर्ता भएको छ ।
सामाजिक अभियन्ताको रुपमा चिनिने युवराज सफलले राईमाथि अनुसन्धानको माग गर्दै आइतबार अख्तियारमा उजुरी दर्ता गरेका हुन् ।
दर्ता गरिएको उजुरीमा राई वाइडबडी, आयल निगम जग्गा प्रकरण, नक्कली भुटानी शरणार्थी प्रकरणमा मुछिएको भन्दै उनीमाथि छानबिन गरी कारबाही गर्न माग गरिएको छ ।
हालै मात्रै विशेष अदालतले वाइडबडी विमान खरिद प्रकरणमा राईमाथि प्रश्न उठाएको थियो ।
