काठमाडौं । नेपाल प्रहरीका ६५ जना प्रहरी नायब उपरीक्षक (डीएसपी) हरूले दर्ज्यानी चिह्न लगाएका छन् ।
बिहीबार प्रहरी प्रधान कार्यालयमा आयोजित कार्यक्रममा प्रहरी महानिरीक्षक (आईजीपी) धिरजप्रताप सिंहले उनीहरूलाई दर्ज्यानी चिह्न प्रदान गरेका हुन् ।
दर्ज्यानी चिह्न पाउनेहरूमा साउन २ गते बढुवा सिफारिस भएका जनपदतर्फका ३४ र विभिन्न मितिमा बढुवा सिफारिस भएका सञ्चार, कम्प्युटर, संगीत, स्वास्थ्य र विधिविज्ञानतर्फका गरी ३१ जना छन् ।
साउन २ गते बढुवा सिफारिस भएका जनपदतर्फका ३४ डीएसपीको बढुवाविरुद्ध प्रहरी निरीक्षक विशाल भारतीले बढुवा समिति सचिवालयमा उजुरी दिएका थिए । सोही कारण उनीहरूले दर्ज्यानी चिह्न पाउन ढिला भएको थियो ।
