काठमाडौँ । ललितपुर प्रहरी परिसरले टोलीले बालकुमारीबाट पेस्तोलसहित दुई जना युवालाई पक्राउ गरेको छ । पक्राउ पर्नेमा सर्लाहीका सुरेन्द्र थिङ र सोही स्थानका विरबहादुर बम्बजन छन् ।
उनीहरूको साथ एक थान अटोमेटिक पेस्तोल त्यसको गोली चार थान र २ थान म्याग्जिन बरामद भएको छ ।
प्रहरी परिसर लालितपुरको बिशेष टोलीले उनीहरूलाई पक्राउ गरेको ललितपुर प्रहरी प्रमुख एसएसपी यज्ञविनोद पोखरेलले जानकारी दिए ।
प्रहरीको प्रारिम्भक अनुसन्धानका आधारमा उनीहरु हतियार तस्कर रहेको खुलेको छ । उनीहरूमाथि थप अनुसन्धान भइरहेको छ ।
