सर्लाही । जिल्ला प्रहरी कार्यालय सर्लाहीका प्रमुख एसपी कृष्ण प्रसाईं पदावधि नपुग्दै तानिएका छन् । विवादमा आएपछि उनलाई प्रहरी प्रधान कार्यालय तानिएका छन् ।
एसपी प्रसाईंको स्थानमा एसपी प्रवीण पोखरेललाई पठाइएको नेपाल प्रहरी स्रोतले जानकारी दिएको छ । सत्ता गठबन्धनबाटै एसपी प्रसाईंप्रति आपत्ति जनाएपछि उनलाई हेडक्वार्टर तानिएको स्रोतको भनाइ छ ।
‘एसपी प्रसाईं हालै मात्र सरुवा भए पनि उनी राजनीतिक तथा आर्थिक विवादमा परेपछि उनलाई हेडक्वार्टर तानिएको हो,’ स्रोतले भन्यो ।
