काठमाडौं । बढुवा भएका ३ जना प्रहरी अतिरिक्त महानिरीक्षक (एआईजी)ले दर्ज्यानी चिन्ह लगाएका छन् । बढुवा भएका धिरजप्रताप सिँह, बसन्त पन्त र रविन्द्रबहादुर धानुकले एआईजीको दर्ज्यानी लगाएका हुन् ।
चैत १ गते सरकारले बढुवा सिफारिसी गरेतापनि रुष्ट भएका डीआईजीहरूले गुनासो सुन्ने समितिमा उजुरी दिएपछि दर्ज्यानी लगाउन लम्बिएको थियो ।
बुधवार समितिले सरकारको निर्णय सदर गरेर आज मन्त्रिपरिषद्बाट बढुवा गरे पश्चात फुली लगाएका हुन् ।
यता आफुहरू अन्यायमा परेको भन्दै सर्वोच्चमा डीआईजीहरू त्रय घनश्याम अर्याल, ईश्वरबाबु कार्की र प्रकाशजंग कार्कीले रिट दायर गरेका छन् ।
प्रहरी महानिरीक्षक शैलेश थापा क्षेत्रीले प्रहरी प्रधान कार्यालयमा कार्यक्रमको आयोजना गरेर उनीहरूलाई दर्ज्यानी चिह्न प्रदान गरिएको हो ।
